Wednesday, April 16, 2008

كل عام وانتي كما انتي




اليوم اقترب عيد ميلاد حبيبتي

لا ليست طفلتي هذه المره
نعم هذه المره اتكلم عن الحبيبه

عن من تحملت كل اخطائي وعبثي

عن تلك التي حاربت لأجلي كل الرياح ودخلت كل المعارك التي واجهناها

دائما كانت هي الدرع الذي لم ينكسر ابدا في وجه التيار

الدرع الذي دافع عني في كل وقت حتى في اضعف اوقاتي

لا اعلم ماذا اقول لها في عيدها

كل عام وانتي كما انتي

فليس هناك ما افضل منك انتي

كل عام وانا انعم بين دفء قلبك وحضن عينيك

كل عام وانا لكي شاكر

كل عام وانا بكي فائز

اعوام مرت علينا هاهنا

هل تذكرين حين همست لكي احبكي لأول مرة في تاريخي

هل تذكرين ان اغرب امرنا ان من كشف حبنا لبعضنا

هو يوم ان تجادلنا

اليوم لا املك لكي هدية جديده اقدمها

فكل عام منذ توبتي اليك

ولا اقدم لكي سوى نفس الهديه

قلبا مخلصا

وعشقا ولهفه في عيوني

لعلني اعوضك عن غيابي قبل ان القاكي

لا املك الذهب والماس وقصر كبير

ولكني الأن املك لكي ما كنت تحلمين به منذ زمن

املك انا لكي شيء واحد

املك نفسي التي حفظتها لكي ولكي وحدكي

لم يعد هناك متسع لغيرك

لم يعد هناك اهتمام الا بقطرات الماس المتساقطه من عينيك

اليوم ككل عام منذ عهدي معك اتقدم اليك

اركع عند قدميك

واهبك صكا جديدا

وعهدا بعام جديد تملكينني فيه

ولكني هذا العام قررت شيئا جديدا

هذا العام لن يكون الصك بعام واحد

سيكون الصك بكل عام املكه الى اخر عام واخر نفس اطلقه

مولاتي

انا لكي الى اخر لحظة في عمري

لعل هذا يعوضك عما فات

20 comments:

S H A H said...

حرام عليك

ده انا اتمنيت ابقى حبيبتك

و يا حظها بيك

و حظي الوحيد اني لحقت اول كومنت على الكلام الجميل ده

خايف من الحقيقة said...

عاشق انت لها يا صديقي

وعشقك قتل ذنبك

ومحاه

دم لها عاشقا
صادقا
مخلصا


ولا تغب عنا

Empress appy said...

ولا اقدم لكي سوى نفس الهديه

قلبا مخلصا
معتقدش الحبيبه بتكون محتاجه اكتر من كده
وانا بنت وعارفه
لان الاخلاص اكتر حاجه بتتمناها الست

la3lahakhier said...

الله الله الله
اهو كده نشوف نماذج سوية بعيدا عن المرضى
الله يبارك لكما ويجمع بينكما فى كل خير

المستنصر بالله said...

الله ما احلى كلامك

ربنا يديم عليكما نعمه الحب والرضا

موناليزا said...

ما اجملها من هدية وخاصة حينما تكون من زوج محب لزوجته
ربنا يبارك لكم ويجمعكم فى الجنة باذن الله
وكل سنة وانتوا دايما فى حب الله مع بعض

ghoneem said...

اهلاً بيك

كل عام وانت وكل اللي تحبهم ويحبوك بخير

تحياتي ليك ولمشاعرك الرقيقة

اتمني ليك كل خير ولك مني كل احترام

تحياتي

بالتوفيق......

shaimaa samir said...

احم

اسال الله ان يجمع بينكما على خير

وان يرزقكما الجنة

مشاعرك نبيلة ونقية

دمت لها
ودامت لك
فى حب

klmat said...

جميل اوى مشاعرك وجميل اعترافك بذنبك
وهى انسانه جميله ربنا يخليكوا لبعض
بس بينى وبينك بردوا هات هديه صغننه
مش حاجه غاليه حايكون لها اثر جميل
تهادوا تحابوا
خالص تحياتى

Sara said...

كل سنة وهي طيبة واعتقد ان بجد اجمل هدية هي تتمناها هي الهدية اللى انت قدمتها
ربنا يخليكوا لبعض ويديم الحب مابينكوا

Sara said...

كل سنة وهي طيبة واعتقد ان بجد اجمل هدية هي تتمناها هي الهدية اللى انت قدمتها
ربنا يخليكوا لبعض ويديم الحب مابينكوا

سمراء said...

كل عام وهي طيبة
وحبك لها وحبها لك دائم للابد
كل عام وانتم سعداء
سمراء

walaa said...

كل سنه وحبيبتك طيبه
عارف انت احلى حاجه فيييك انك بجد حاسس انها تحملت حاجات كتيير علشانك وانت مقدر ده كويس
ربنا يسعدك بيها وتفضل دايما بينكم احلى حب
تحياتى ولاء

لـــى لــــىِ said...

انا قريت المدونة بتاعتك دي كلها

اول مرة اشوف مذنب قلبه طيب

وقلبه بيحب كمان

ومش اي حب

يابني انت متعب مش مذنب

ربنا يهنيك بحبيبتك يارب
ويهنيها بيك
وبقلبك الصادق

الـسـيـدة نـون said...

بس انا عيد ميلادى فات خلاص
نيهاهاهاهاهاع


ايه يابنى الكلام الجامد ده
ياريتنى كنت هى
تحياتى ليك
اختك خيخة

سمية said...

جميل الكلام
ولكن الاجمل ان يقال قبل فوات الاوان
والاجمل ان تستطيع هى ان تشعر به و تصدقه

فصدق المشاعر والاحاسيس بين الزوج و الزوجة كالوردة اذا ذبلت لا يمكن ان تنضج مرة اخرى ..ولكن الامل الوحيد فى محاولة زراعة وردة اخرى لعلها تتفتح على حياة افضل

حمامة said...

كل سنة وهى طيبة وبخير
وكل سنة وانتوا سوا
ربنا يباركلكوا ف حياتكو يارب

:)

Ne3oo said...

كل سنةوهى طيبة ودى بجد احلى هدية
بجد مدونتك فوق كل مقاييس الجمال
تقبل مرورى

Ne3oo said...

انا مذنب
بعد اذنك احط لينك المدونة بتعتك عندى لانها بجد انا بعتبرها تحفة فنية
مستنى اذنك

انا مذنب said...

shah

اتشرفت بيك جدا
وانشاء الله ربنا يكرمك وتلاقي اللي تعشقك وتحبك وتغنيك عن الدنيا بحالها

لك مني كل التحيه

-----------------
خاسف من الحقيقه

نعم لها انا عاشق
ونادم على ذنوبي
ادعو الله ان يغفر لي
واتمنى ان اعوضها عن ما فات

سعدت جدا بزيارتك

لك مني كل التحيه

--------------------

آبي

ابنتي الطيبه اسعد الله ايامك ورزقكي كل الخير ارجو ان يصدق حدسك ويكون ما اقدمه كافيا حقا
سعدت جدا بزيارتك

--------------------

لعله خير

الله يسعدك ويحفظك
الحمد لله انني اسعدت وقتك بكلامي واني خرجت من دائرة المرضى

لكي مني كل التحيه

--------------------------

المستنصر بالله

ربنا يحفظك وينير طريقك ويثبتك على الطاعه

لك مني كل التحيه

--------------------

موناليزا

وانتي بكل خير ربنا يحفظك ويسعد قلبك
لكي مني كل التحيه

------------------

غنيم
سعدت بكلماتك وتعجبت عندما لم اجد لك مدونه اسعدني مرورك جدا

لك مني كل التحيه

------------------

شيماء سمير

ادام الله عليك يالنعمه والخير
دمتي بكل خير
لكي مني كل التحيه

-----------------

كلمات
ربنا يحفظك
وطبعا انا مش هاكنسل الهديه بس ادعي معايا انها تعجبها فعلا
هي قنوعه بس نفسي فعلا اختار حاجه تعجبها
لكي مني كل التحيه

-----------------

ساره
ربنا يخليكي ويحفظك
وعقبال هديتك من زوج يحبك

لكي مني كل التحيه
---------------

سمراء
كل عام وانتي صديقه قريبه
وادام الله عليك نعمه وبارك لكي وعليكي
وجزيتي خيرا على دهعائك الطيب
لكي مني كل التحيه

----------------

ولاء

ربنا يحفظك
اعرف مدونتك واعرف عن قلبك الطيب الكثير سعدت جدا بكلماتك
ربنا يسعدك
لكي مني كل التحيه

--------------

لي لي

بنيتي الجميله الطيبه
ربنا يحفظك
ويرزقك كل الخير
تسلم يدك على مدونتك الباسمه الجميله
لكي مني كل التحيه
ما اخبار عم حسين

--------------------

اختي خيخه
سعيد جدا بكلامك ده وقبولك تعتبريني اخ
قلبك ابيض جدا وروحك مسامحه قوي ربنا يبارك فيكي
لكي مني كل التحيه
--------------------

سميه
كلماتك دائما تحمل الصدق والصراحه والنصيحه الطيبه
ادام الله عليكي نعمة العقل
ربنا يحفظك
لكي مني كل التحيه

----------------------
حمامه
كل عام وانتي بخير

لكي مني كل التحيه

-----------------

نيعو

انت شرفتني جدا
واسعدتني كلماتك ويشرفني طبعا انك تضيفني عندك
وانشاء الله لما افهم بس فكرة الصفحات هابقى اعمل اسماء اعز اصدقائي وانت اولهم انشاء الله

لك مني كل التحيه