Friday, March 21, 2008

اوعى تبوس مراتك في بقها لتطمعها فيك


قريت عند مكسوفه بوست عجبني قوي

عايز ارد عليه هنا براحتي


عن الجنس في حياتنا


ومش هاتكلم عن الجنس في حد ذاته اكتر ما هاتكلم عن تأثيره علينا في اتخاذ قررارات كتير ممكن تأثر علينا في المدى الطويل


عايز اقول بشوف ناس ممكن يدخل في علاقه مع انسانه غير زوجته وغير حبيبته لمجرد انه حاسس انها هتقدمله حاجه مبيلاقيهاش عند زوجته مش مصدق كلامه بصراحه لكن بعد شويه فهمت الناس دي بتتكلم عن ايه


الثقافه اللي بنتربى عليها في بيتنا والثقافه اللي بنكتسبها من اصحابنا


اولا في بيوتنا الجنس ده حاجه عيب قوي وحرام جدا الا في نطاق الزواج طيب هي شكلها ايه في نطاق الزواج كل حاجه براحتنا ولا هنمشي على نظام وقواعد هنستلمها في كراسة الشروط يوم كتب الكتاب


الفكره الأزليه عند كل الرجال اوعى تعمل حاجه من اللي بتعملها مع العاهرات مع مراتك

مراتك لازم تحترمها

هو يعني ايه تحترمها

وايه هو معيار الأحترام في العلاقه الجسديه بين اتنين


واحد يقولي اوعى في يوم تطلب من مراتك انها تعملك كذا او كذا

تقعد تناقشه في ان المفروض تطلب من مراتك حلالك احسن ما تطلبه من الحرام وان مراتك نفسها هتفرح انك عايزها هي ومش عايز حاجه بتدور عليها عند غيرها لأن كلهم يقدروا يقدموا كل حاجه بس الفرق بين واحده والتانيه هو الأحساس

بالعكس زوجتك هتقدملك بحب اكتر ومتنميه انها تسعدك اكتر من اللي كل همها تخلص الشغلانه علشان تقبض وتمشي


تعالى بقى اسمع هو هيقولك ايه


لا يا غبي اوعاك لأكتر من سبب

اولا انها هتظن فيك انك صايع مع غيرها وبتعمل الحاجات دي بره البيت وجاي تجرب معاها او على الأقل عملتها قبل كده زمان

او اللي انيل انها تظن انك بتشوف افلام جنسيه وجاي تجرب


طيب هو ده يعني احسن ولا انك تزني احسن

ان مراتك تعرف اسرارك ورغباتك الدفينه احسن ولا لما تكشف نفسك اما فتيات الليل احسن


برده حاجه انيل بقى يقولك اصلك كده هتعلم مراتك حاجات ميصحش هي تعرفها

ازاي تعلمها الوساخه دي

وساخة ايه بس هي مش مراتك وحقكم تستمتعوا ببعض زي ما انتم عايزين يقولك بس بالأصول


اخر حاجه بقى

اوعى تعلم مراتك او تعودها على الموضوع قوي خلي دايما فيه خشى عندها اوعاك تخليها تاخد عليك وتطلب منك كده بصراحه مش علشان الخلاق الحميده ولا حاجه

عارفين ليه علشان لما تيجي يوم انت متقدرش متقولش عليك انك مش قادر تقول انك ماليكش مزاج منها وخلاص


حاسس ان العلاقه مبقتش علاقه حميمه العهدف منها متعه وسعاده من اقوى المتع في حياة الكائنات الحيه كلها

حولناها لحرب واستراتيجيات


بنخسر كتير قوي علشان مش عايزين نقرب من بعض صح



ونرجع ندور بعد كده هو ليه عايز يخونها مع واحده تانيه ويقولك اصل مراتي بارده


عالم بارده صحيح


لكم مني كل التحيه

5 comments:

سمية said...

رغم خجلى مما قرأت لكن هذا الموضوع دفنى دفعا للرد عليه


كل زوجة تستطيع ان تكون تماما مثلما يحلم زوجها لكن هذا فى حالة واحدة اذا كان هناك يقين بداخلها انها وحدها فى حياته و كيانه

فبمجرد اختيار انسانة محترمة و الصبر عليها قليلا ستكون كما تحب و ترضي

تحياتى
سمية لطفى

انا مذنب said...

عايز اقولك اني عارف ان اي ست عندها القدره تعمل كل اللي بتعمله غيرها مفيش حاجه اسمها دي بتعرف تعمل ودي مش بتعرف
وزي ما انتي قلتي بالظبط المهم تكون حاسه ان هو ليها لوحدها بالتالي هتقدمله كل ما يشتهيه كل اللي ممكن يلاقيه بره وحرم نفسه خوفا من الله واتقاء لله فيها هي هتعوضه عنه



المهم انها فعلا تلاقي عنده الصدق وتطمئن ليه بجد

شرفت بمعرفتك

لكي مني كل التحيه

la3lahakhier said...

انت مشكلة
طبعا انا قريت المدونة بالعكس فوصلت لهنا
اولا انا مع الستر فى العلاقات (طبعا مش المحرمة دا خارج نطاق الكلام )
لكن كل كلامك صح للاسف
عارف الموضوع جه منين ؟
من الكدب
ايوة الاهالى بتكدب على نفسها وعلى ولادها الانسان الطبيعى هو اللى يتعامل مع الامور من خلال اعتناقه بمعنى انا مسلمة يبقى لازم كل حاجة فى حياتى امررها على الفلتر ده وبعدها اتعامل معاها بمنتهى السلاسة والبساطة
وبعدين ؟ هو مش الامر ده حاجة بيولوجية؟ طيب فى ايه ؟ مكبرينه الناس ليه ومرعبوين منه ليه ماهو زى زى اى حاجة فى الدنيا
المشكلة هى ازدواجية الانسان ودا خلل
يعنى مراته يبكت مشاعره معاها وبالتالى تتكبت هى كمان عشان لاتتهم بالمعرفة والممارسة او بتفتيح العين وتنزل من نظره لكن لامانع ابداااااااااااااااااا انه يخالف ربه ويزنى ...يا سلام
شفيتم

Ne3oo said...

مدونتك حلوة اوى و جريئة ومواضيعك حلوة بجد كمل على كدا
و انا من زمان نفسى اكتب بالجرأة دى
تحياتى ليك

Unknown said...

الموضوع حيوي جداً وشائك
ولكن أنا أرى -بدون الخوض في تفاصيل- أن الصراحة والشفافية والتفاهم في هذا الموضوع بالذات ضروري جداً ويحل الكثير من المشكلات
ولا أرى أن في الدين ما يمنع ذلك بالعكس فالعلاقة الزوجية في الدين علاقة قوية وحميمة
أعتقد أن السبب في هذه الآراء التي طرحتها في موضوعك هو العادات والتقاليد التي تجعل من الكلام في هذه الأمور تعدياً لحدود الأدب والاحترام

شكراً
محمد جمال