Thursday, June 19, 2008

انتظرتني


وتبحث عني

ولا تستكين

وتسال عني النهار الحزين

وتسهر ليلها تحلم بظلي

يمر عليها يهدء حالها

اعود اليها

بحمل ثقيل

ذنوب وكرب وهم ثقيل

واطلب صفحا

واطلب دفئا

وتعطي وتمنح ولا تتمنع

وتبكي في حضني

وترجوني ابقى


فهل استكين

وابقى لأحيا

في طهر وعفه

وهل يستكين ابليس اللعين

اعود فأرحل

واتركها تبكي

دموع تسيل

وفي عز هرجي

ومرجي اللعين

تصارع وتبقى

تصارع عيون

تحاول تنهش

تصارع رجالا

هم الأقربون

حسبتهم صحابي

فلم يتقون

ومالي اعاتب

واعتب عليهم

وقد كنت منهم

ذئب لعين

وبعد السنين

اعود اليها

ولا اتوقع ابدا الا الملام

اعود اليها لرضي ضميري

لعلها تقدر ان تنتقم

وتغرس يدها في قلب المشين

ولكني اعود لأجد الورود

واجدها صدر حنون رحيم

فابكي وابكي

واقسم بربي

بأني سأبقى

اعوضها دوما

شقاء السنين


فهل يمكن ان تعوض ايامي الباقيه تلك السنين التي تحملتها من اجلي

16 comments:

سمر الشافعى said...

تحياتى ليك على احساسك وكلماتك الرقيقه بس ليه بلمس فلا كلماتك الشعور دايما بالذنب حتى اسم مدونتك برده انا مذنب

keda-sponsor said...

يا سلاااااااام

شعور خالص بالذنب ... مع رغبه في تعذيب النفس ... و كل هذا برسم صوره رقيقه حزينه شفافه للموضوع ..لأ لأ ... بجد تحفه
تحياتي لك

semsem said...

ليه الاحساس الفظيع بالذنب ده
اذا كنا خسرنا سنين فى الماضى سواء غلطه او اي جرح حصل لنا
مينفعش
مينفعش نضيع حاضر ومستقبل بسبب ندم على الماضى
تحياتى ليك
اول زياره لمدونتك
احساسك حلوك
واسلوبك معبر

shreen said...

احساس راقى عالى
داعبت الدموع عيناى وانا اشعر بكل حرف فى تلك الكلمات

شعور بالذنب هو

طلب مغفرة

اعتراف بالخطأ
ورغبة صادقة فى الصفح

برقتها هى
وضعفها

بانتظارها الدائم
بحبها الابدى
بعطايها التى لا تنتظر مقابل

جسدت المعنى الحقيقى للحب

وتسهر ليلها تحلم بظلي

يمر عليها يهدء حالها

اعود اليها

بحمل ثقيل

ذنوب وكرب وهم ثقيل


كلمات رائعة
واحساس اروع

انا مذنب said...

سمر الشافعي

اشكرك على كلماتك الطيبه
احساس الذنب يثقل اكتافنا كلنا ولكن كل واحد على قد ما عاش وعمل وعلى قد ما هو افتكر
ويمكن على قد ما هو عايز يفتكر
وكتير بنفتكر علشان منرجعش للذنب تاني


--------------------

كده سبونسر

انت خلصت امتحاناتك زي ما انا شايف اهو الحمد لله وربنا يوفقك
ومتشكر جدا على كلماتك الجميله


--------------------

semsem

انشاء الله مش هنضيع الحار ولا حاجه لكن هنفضل نفكر انفسنا بالغلط اللي عملناه في حق ناس غالين قوي علينا علشان منعيدهوش تاني ابدا ونحاول دايما نقدر فضلهم علينا ونرعاهم احنا زي ما هم راعونا

--------------------

Shreen

بعد الشر عنكي من الدموع الا دموع الفرح

اشكرك على كلامك وزوقك وربنا يسعد ايامك


لكي مني كل التحيه

بنت مصريه said...

الله ايه الاحساس العالى ده
اسمحللى ابقى ازورك
على طوول
بوست جميل احييك

سمية said...

قريت كتير وكذا مرة
وكأن عنيا بتاخد الكلام وتحلم بيه طالع من لسانه

فلا شئ يعوض ظمأها طوال هذه السنين سوى ان تعود انت اليها
انت يامن تحملتك و اعطتك عمرها كله لتغسل به ذنوبك وتودع فى ايامها الباقية دموعك واحساسك بالذنب

تحياتى وتقديررى و احترامى لك و لها

انا مذنب said...

بنت مصريه

انا شاكر ليكي جدا على ردك الطيب
واسمحيلي انا اللي اطمع في زيارتك وتنوريني دايما

سعدت بيكي جدا

-----------------

سميه
اينتي الغاليه سميه لا اعرف لماذا كلما كتبت موضوع جديد تذكرتك واشعرتني بالذنب اكثر ادعو الله ان يفيق هذا الشقي وان يهتدي لهذا الحب الغامر الذي ينتظره والذي يضيع من يده احلى ايامه بسبب غبائه
سامحيني على تقصيري

وارجوكي اعتني بنفسك
لكنني اعرف اخبارك باستمرار من احد المدونين اصدقئي
لكي مني كل التحيه

la3lahakhier said...

you have to............
dont go this time

انا مذنب said...

لعله خير

ابنتي الطيبه انشاء الله سافعل

لكي مني كل التحيه

Sara said...

والله ماقادرة اوصف الكلمات دي اد ايه اثرت في
والله بجد ماعارفة اوصف ماشاء الله ماشاء الله بجد احساسك عالى جدا

ارفعلك القبعة :)

سمية said...

صباح الخير
اخبارك ايه؟؟
يارب تكون دايمابخير
انا قولت آجى اطل عليك و اطمن على أخبارك

مفتقدينك
ياريت يكون فيه جديد قريب

تحياتى و خالص تقديرى

سمية said...

انت فين
قلقتنى عليك اوى

فى القلب said...

كتبت بحساسيه رائعه وشعور بالذنب وندم خالص
ونعم تستطيع أن تعوض ما فات

رابطه مدونون من اجل فلسطين said...

جـــــــربت مــــــــره تــعمل حاجه للاقـصي

لو ما جربتش جرب تشـــــــارك معــــــــــنا

يمكن نقدم حاجه تكــــــــون مفـــــيده تنفعــنا

ويمكــــن بيها في الجنه ربنا يجــــمـعنـــــــا

خليــــــــــــــــــك جـــرئ وشــاركنـــــــــــا

بامكناك ان تشارك في نهضه امــــــــــــــتنا

لا تقل لا استطيع المشاركه في بناء عزتـــنا

ان عــــــزتنا تكمن في تــحرير غفلــــــــتنا

ندعوك ان تشترك معنا للنهوض بدولتــــنا

لا تتردد فانها فرصتك في مساعده اخواتنا

حمله :بايدينا ندفع الخطر عن الاقصي
رابطه مدونون من اجل فلسطين

أم بتول said...

العفو من شيم الكرام
وربنا من أعظم صفاته العفو الكريم
فمابالنا نحن لا نعفو وكل أمانينا فى الدنيا أن يعفو عنا العفو الغفار فى الآخرة .
دمت أخى التائب فأن من اول شروط التوبة الأعتراف بالذنب و قد فعلت .